Pages

Friday, August 13, 2010

ഹരിദ്വാറില്‍ തിരികള്‍ തെളിയുമ്പോള്‍ .......






ഹരിദ്വാറിലെ ആസന്ധ്യ ഇന്നും മനസ്സില്‍ ഇത്തിരി നാളമായി തെളിഞ്ഞു നില്‍ക്കുന്നു...കയ്യിലൊരു സോണി കാമറയുമായി രണ്ടുപകലുകളും ഒരു രാത്രിയും വിശ്വാസങ്ങളുടെയും വര്‍ണ്ണങ്ങളുടെയും മനം മയക്കുന്ന ഗന്ധങ്ങളുടെയും ഇടയില്‍ ......
ഒരുപാടുണ്ട് പറയാന്‍ നഗ്നരായ , ദേഹം മുഴുവനും  ഭസ്മം പൂശിയ സന്യാസിമാര ലഹരി പുകച്... തീ കാഞ്ഞു...ചുറ്റും കൂടുന്ന പതിവ് കരോടും അപരിചിതരായ തീര്ധടകരോടും വായ്‌ നിറയെ പുക ചുവക്കുന്ന എന്തെക്കെയോ വര്‍ത്തമാനങ്ങള്‍....എല്ലാം ദിവ്യവും  പാവനവും എന്ന് കരുതി കേട്ടിരിക്കുന്ന ഭക്തരും വഴിപോക്കാരും...ഞാനും....
സന്ധ്യയാണ് അവിടം മറ്റൊരു ലോകമാക്കുന്നത്...രാത്രിയുടെ കോലാഹലങ്ങളുടെ പകല്‍ ക്ഷീണം വൈകുന്നേരത്തോടെ മാറുകയായി...ഗംഗ....ഏതോ അലൌകിക  ഭാവത്തില്‍..കരുത്തോടെ എന്നാല്‍ ശാന്തമായി ഹരിദ്വാറില്‍ ഒഴുകുന്ന ദേവിയാകുന്നു......വര്നോജ്ജ്വലമാണ്  ആ സമയം...എണ്ണിയാല്‍ തീരത ദീപ പ്രഭയില്‍ രാത്രിയെ പകലക്കുന്ന ..ഗംഗയിലെ ആരതിയുടെ സമയം....


എല്ലാവരും ആരതി തെളിയിക്കാനുള്ള ശ്രമമാണ്...ഒരു ചെറിയ പൂക്കള്‍ നിറച്ച ഇല കൊണ്ടുണ്ടാക്കിയ ഒരു താലം..അതില്‍ തിരികതിക്കാനുള്ള  ഒരു ചെറിയ ചിരാതും ഉണ്ടാവും ..ഇവ കത്തിച്ചു " ജയ് ഗംഗാ മാതാ " പോലുള്ള ആര്‍പ്പ് വിളികളോടെ ഭക്തി പാരവശ്യതാല്‍ ഗംഗയുടെ ഓളങ്ങളിലേക്ക്  പതിയെ  ഒഴുക്കി വിടുന്നു....ഭക്തിയുടെ ആത്മ നിര്‍വൃതിയില്‍ രാവേറെ ചിലവഴിച്ചു ഭൂരിപക്ഷവും മടങ്ങുന്നു...രാത്രിയുടെ അന്ത്യ യാമങ്ങള്‍ ഭക്തിയുടെ മനോ വിഭ്രാന്തികളുടെ രാത്രി നടനങ്ങള്‍...തുടരുന്നു.....


പല പ്രാവിശ്യം ശ്രമിച്ചിട്ടും കൃത്യമായി ആരതി കത്തിച്ചു ഗംഗയിലേക്ക് ഒഴുക്കുന്നതിന്റെ പടം കിട്ടാത്തതിനാല്‍...ഒന്ന് തീരുമാനിച്ചു ഏതെന്കിലും ഒരാളെ നോട്ടമിടുക പൂര്‍ണമായും അയാളുടെ പിന്നില്‍ നടന്നു വൃത്തിയായി ചിത്രം എടുക്കുക...ഈ ചിത്രത്തില്‍ ഇത്തിരി കാണുന്ന ഒരു വൃദ്ധനെയും അയാളുടെ പേരക്കിടാവ് എന്ന് തോന്നിക്കുന്ന ആ കുട്ടിയുടെയും കൂടെ ഞാനും കൂടി....


വൃദ്ധന്‍ ചിരാത് കത്തിക്കാന്‍ തുടങ്ങുകയായി...ഫോട്ടോഗ്രാഫിയില്‍ ഒട്ടും പ്രൊഫെഷണല്‍ അല്ലാത്തതിനാല്‍ ഞാനും ശ്വാസം അടക്കി കാമറ നേരെയാക്കി ഇരുന്നു...


അയാള്‍ തീപ്പെട്ടി ഉരച്ചു കൈ നീട്ടുകയാണ് അപ്പോള്‍ ഒരു ക്ലിക്ക് ചെയ്തു ആ ചിത്രമാണ് ഇവിടെ കാണുന്നത്...അതില്‍ തിരി കൊളുത്തി വിടാന്‍ പോകുമ്പോള്‍ അയാള്‍ ഹിന്ദിയില്‍ പറഞ്ഞു,


" ദേഖോ ദീദി ജാ രേഹീ ഹേ.." (  നോക്കൂ ..ചേച്ചി പോവുകയാണ്.... )


കുട്ടി ചാടിയെനീട്ടു ഏതാണ്ട് അവിശ്വസനീയമായ ഒരു സാമീപ്യം അറിഞ്ഞ പോലെ....!!!


ദൈവമേ... ഞാനത് വ്യക്തമായി കണ്ടു..... ഒരു കുഞ്ഞിന്റെ കണ്ണുകളിലെ അത്ഭുതവും ആഗ്രഹവും കലര്‍ന്ന തിളക്കം ....അതിന്റെ നൈസര്‍ഗീകമായ വിശുദ്ധി......!!!!


എനിക്കൊന്നും പറ്റിയില്ല ...അതി ഭാവുകത്വമില്ലാതെ പറഞ്ഞാല്‍ മനുഷ്യന്‍ എത്ര സുന്ദരമായ പദം എന്ന നിറവില്‍ ..നിഷ്ക്രിയനായിരുന്നുപോയി...പിന്നെ പെട്ടന്ന് രണ്ടുമൂന്നു ക്ലിക്കുകള്‍ എടുത്തു....പക്ഷെ അപ്പോഴും ആരതി കത്തിച്ചു ഒഴുക്കുന്നതിന്റെ ചിത്രം കിട്ടിയില്ല...കാരണം ഞാനൊരു ഫോട്ടോഗ്രാഫര്‍ അല്ലല്ലോ....


ഇന്നും പക്ഷെ ആ ആരതി ഞാന്‍ മറക്കില്ല....കാമറയില്‍ പതിയതിരുന്നത് ഹൃദയത്തില്‍ പതിഞ്ഞു പോയിരുന്നു ശരിക്കും.....






5 comments:

  1. nice..


    കെ പി സുകുമാരന്റെ ബ്ലോഗില്‍ എഴുതിയ കമന്റിലൂടെ എത്തിയതാണ്.
    കുറച്ചൂടെ വിപുലമായ ചര്‍ച്ച അല്ലെങ്കില്‍ നിരൂപണം അവിടെ പ്രതീക്ഷിക്കാമോ?

    പ്രതീക്ഷിക്കുന്നു, കാരണം സുകുമാരന്‍ മറുപടിയുമായ് വരും..

    പുതുവത്സരാശംസകള്‍

    ReplyDelete
  2. നന്ദി...സുഹൃത്തേ...അഭിപ്രായങ്ങള്‍ പറയുന്നതും ഒരു ചര്‍ച്ചയില്‍ പങ്കെടുത്തു മറുപടികള്‍ പറയുന്നതും രണ്ടാണ്...എന്റെ അഭിപ്രായം ഞാന്‍ പറയുന്നു എന്നേയുള്ളൂ അതില്‍ ഒന്നില്‍ നിന്നും മറ്റൊന്ന് എന്നാ മട്ടില്‍ പോകാനുള്ള സമയമോ അറിവോ ഇല്ലാത്തതിനാല്‍ ആണ് പലപ്പോഴും പലതിലും തുടരാത്തത്....സ്ഥിരമായ ബ്ലോഗ്‌ പിന്തുടരാനും സമയം കിട്ടാറില്ല ...എങ്കിലും ഏറെ പഴി കേള്‍ക്കുന്ന ( ഫേസ്‌ ബുക്കിലെ അനുഭവമാണ് ) എന്റെ ചിന്തകള്‍ വെറുതെ എഴുതി വെക്കണം എന്നാഗ്രഹിക്കുന്നു അതിനുള്ള ഒരു തുടക്കം ആണിത്....അതുകൊണ്ടാണ് മുന്‍കൂര്‍ ജാമ്യം പോലെ ഒരു emergency exit കുറിപ്പായി ഇട്ടതു....എങ്കിലും സന്തോഷം താന്കള്‍ എന്നെ വായിക്കുന്നതിനു.....

    ReplyDelete
  3. കറുത്ത ബാക്ക്ഗ്രൌണ്ടില്‍ വെളുത്ത അക്ഷരങ്ങള്‍ വായിക്കുവാന്‍ ബുദ്ധിമുട്ടാണ്.........

    ReplyDelete
  4. ബ്ലോഗ്‌ നന്നായിരിക്കുന്നു.....ആശംസകള്‍..........

    ReplyDelete
  5. നന്ദി രേജീഷ്‌...ഞാന്തുകൊണ്ട് രൂപം മാറ്റി...ഇതിന്റെ പണികള്‍ അറിയില്ല..പതിയെ മനസ്സിലാകുന്നുണ്ട്...

    ReplyDelete